સમગ્ર વિશ્વમાં અનેક રહસ્યો જોવા મળે છે. જેનાં તળ સુધી પહોંચવું ખુબ જ અશક્ય હોય છે. જો કે ભારત પણ વિવિધતા અને અજાયબ માન્યતાઓથી ભરપૂર દેશ છે. ભારત દેશમાં એક ગામ એવું છે. જે ગામને “ટ્વીન ટાઉન”, “વિલેજ ઓફ ટ્વિન્સ” તરીકે ઓળખવામાં આવે છે.
આ ગામને ટ્વિન શબ્દથી જોડવામાં આવ્યું છે, કારણ કે આ એવું ગામ છે જ્યાં અડધા કરતા વધારે જુડવા બાળકો જન્મ લે છે. જુડવા(ટ્વિન્સ) બાળકો જન્મ લેતા હોવાને કારણે આ ગામને ટ્વિન ટાઉન કહેવામાં આવે છે.
દેશનાં દક્ષિણ ભાગમાં આવેલું રાજ્ય કેરળ પોતાનાં ઉચ્ચ શિક્ષણ દરને કારણે આગળ છે. જો કે કેરળનાં મલપ્પુરમ જિલ્લાનું કોડિન્હી ગામ એક અજાયબી સમાન છે. આ ગામ તિરૂગંડી શહેરની નજીક આવ્યું છે.
આંકડા અનુસાર છેલ્લા 65 વર્ષમાં આ ગામમાં ટ્વિન્સ (જુડવા) બાળકોની 250 જોડી જન્મી છે. ડોક્ટરોનું કેહવું છે કે જો કે જુડવા જન્મ લેતા બાળકોની સંખ્યા ઘણી વધારે છે. 2008નાં આંકડા પ્રમાણે, આ ગામમાં 2000 પરિવારો રહે છે.
ડોક્ટરો એ કોયડાને ઉકલવાનાં ખુબ પ્રયત્નો કર્યા કે અહિ જુડવા બાળકો કેમ જન્મ લે છે? જો કે ડોક્ટરો નિષ્ફળ નિવડ્યા છે. 2008માં થયેલી 300 હેલ્ધી પ્રસુતિમાં 15 જુડવા બાળકો પેદા થયાં હતાં. આ પહેલા પાંચ વર્ષમાં જુડવા બાળકોની 60 જોડી પેદા થઈ હતી.
એટલે કે કુલ 120 બાળકો એક સરખા જન્મ્યા હતાં. જુડવા બાળકોનો આંકડો દર વર્ષે વધતો જાય છે. ગામ લોકોનું કહેવું છે કે,છેલ્લી ત્રણ પેઢીથી અમારા ગામમાં જુડવા બાળકો પેદા થાય છે. વૈજ્ઞાનિક રીતે ડોક્ટરો આ બાબતનો ઉકેલ શોધી રહ્યા છે. જો કે હજુ સુધી તબીબો સફળ થયાં નથી.
જો કે ડોકટરોનું અનુમાન છે કે આ ગામનાં લોકો કોઈ એવી વસ્તુ ખાય-પી છે,જેને કારણે જુડવા બાળકો પેદા થાય છે. અહીં જન્મેલા જોડિયા બાળકોની સરેરાશ આખી દુનિયા કરતાં 7 ગણી વધારે છે. ગામમાં મોટાભાગના બાળકોની ઉંમર 15 વર્ષથી ઓછી છે.
એક શાળામાં 80 જોડિયા છે. દેશભરમાં 1000 જન્મોમાંથી 9 જોડિયા જન્મે છે, જ્યારે આ ગામમાં 1000માંથી 45 જોડિયા જન્મે છે. સરેરાશ રીતે, આ આંકડો સમગ્ર વિશ્વમાં બીજા અને એશિયામાં પ્રથમ છે. આ મામલે ચીન-પાકિસ્તાન પણ પાછળ છે.
જો કે, નાઈજીરિયાનું ઈગ્બો-ઓરા વિશ્વમાં નંબર વન છે, જ્યાં 1000માંથી 145 જોડિયા જન્મે છે. આ દુનિયા રહસ્યોથી ભરેલી છે. અહીં કેટલાક પરિવારોમાં બેથી ત્રણ વખત જોડિયા બાળકોનો જન્મ થયો છે. તમને આ ગામમાં, શાળામાં અને નજીકના બજારમાં ઘણા દેખાવડા બાળકો જોવા મળશે.
આ ગામોમાં જુડવા બાળકોનો જન્મ શા માટે થાય છે તેના વિશે કેરળમાં જ નહીં પરંતુ લન્ડન સુધીના વૈજ્ઞાનિકોએ રિસર્ચ કરી લીધી છે. વૈજ્ઞાનિકો અહીંથી બાળકો ના વાળ થી લઈને લાળ સુધીના સેમ્પલ લઇ ગયા છે.
પરંતુ હજુ સુધી સ્પષ્ટ થયું નથી કે અહીં twins બાળકોનો જન્મ શા કારણ થી થાય છે. વૈજ્ઞાનિકોનું માનવું છે કે આમ થવા પાછળ આનુવંશિક કારણ પણ હોઈ શકે છે.
Disclaimers- matters given in this article is totally based on media reports, astrology beliefs and Ayurveda principles.. therefore in certain cases it may not be apply for all.. viewers have to see this with their own intellectuals and knowledge..
ચેતવણી- ઉપરના આર્ટિકલના તમામ પ્રસારણ અને માલિકી હક “પેજ એડમીન”ને છે.. તેથી આર્ટિકલ કે તેનો કોઈ ભાગ મંજૂરી વગર કોપી કરવો એ ફેસબુક કન્ટેન્ટ ગાઈડલાઈનના કોપીરાઈટ એક્ટ મુજબ ગુનો બને છે.. જો ક્યાંય કોઈ એવું કરતા ધ્યાનમાં આવશે તો કાયદેસરની કાર્યવાહી કરવામાં આવશે.
